Operation Toophan
ഓപ്പറേഷൻ തൂഫാൻ 2.0 – ലഹരിവിരുദ്ധ ബോധവത്കരണ പരിപാടി
2026 സെപ്റ്റംബർ 29-ന് പുത്തൻവേലിക്കര ഗ്രാമപഞ്ചായത്ത് ഹാളിൽ ഓപ്പറേഷൻ തൂഫാൻ 2.0 എന്ന പേരിൽ ലഹരിവിരുദ്ധ ബോധവത്കരണ പരിപാടി സംഘടിപ്പിച്ചു.
പോലീസ്, എക്സൈസ് വകുപ്പുകൾ, റെസിഡൻഷ്യൽ അസോസിയേഷനുകൾ, സ്കൂളുകൾ, ആരോഗ്യ വകുപ്പ്, വ്യാപാരി വ്യവസായി സമിതി, ഹരിതകർമ്മസേന തുടങ്ങിയ വിവിധ മേഖലകളുടെ സഹകരണത്തോടെ പഞ്ചായത്തുതലത്തിൽ ലഹരിക്കെതിരെ കൂട്ടായ പ്രവർത്തനം ശക്തിപ്പെടുത്തുക എന്നതായിരുന്നു പരിപാടിയുടെ ലക്ഷ്യം.
പോലീസ്, എക്സൈസ് വകുപ്പുകളുടെ നേതൃത്വത്തിൽ പതാക ഉയർത്തലും ലഹരിയുടെ ദൂഷ്യഫലങ്ങളെക്കുറിച്ചുള്ള ബോധവത്കരണ ക്ലാസും നടത്തി. ലഹരിമുക്ത സമൂഹം കെട്ടിപ്പടുക്കുന്നതിനായി വിവിധ മേഖലകളുടെ ഏകോപനവും പൊതുജന പങ്കാളിത്തവും ഉറപ്പാക്കുന്നതിനുള്ള പ്രവർത്തനങ്ങൾക്ക് പരിപാടി തുടക്കം കുറിച്ചു.