കാഴ്ചപാടും ദൌത്യവും
പുത്തൻവേലിക്കര ഗ്രാമപഞ്ചായത്ത്, ജനങ്ങളുടെ ക്ഷേമവും സമഗ്ര വികസനവും ലക്ഷ്യമാക്കി മുന്നേറുന്ന ഒരു മാതൃകാ തദ്ദേശസ്വയംഭരണ സ്ഥാപനമാണ്. സമ്പൂർണ ഗുണമേന്മാ സംവിധാനത്തിലൂടെ ഭരണനിർവഹണം കൂടുതൽ കാര്യക്ഷമവും സുതാര്യവും ജനകീയവുമാക്കുകയാണ് പഞ്ചായത്തിന്റെ പ്രധാന ലക്ഷ്യം.
ആധുനിക സാങ്കേതിക വിദ്യകൾ സമൂഹത്തിന്റെ എല്ലാ വിഭാഗങ്ങൾക്കും, പ്രത്യേകിച്ച് താഴെത്തട്ടിലുള്ള ജനവിഭാഗങ്ങൾക്കും പ്രാപ്യമാക്കിക്കൊണ്ട് സേവനങ്ങൾ ലളിതവും വേഗത്തിലുമാക്കാൻ പഞ്ചായത്ത് പ്രതിജ്ഞാബദ്ധമാണ്. സേവനാവകാശ നിയമത്തിൽ നിഷ്കർഷിച്ചിരിക്കുന്ന സമയപരിധിക്ക് മുൻപ് തന്നെ ഗുണമേന്മയുള്ള സേവനങ്ങൾ ജനങ്ങളിലെത്തിക്കുന്നതിലൂടെ പൊതുജന സംതൃപ്തി ഉറപ്പുവരുത്തുന്നു.
ജനസൗഹൃദ പഞ്ചായത്ത് എന്ന സ്വപ്നം യാഥാർത്ഥ്യമാക്കുന്നതിനായി എല്ലാ തലങ്ങളിലും ഉത്തരവാദിത്തത്തോടെയും കൃത്യതയോടെയും സൗഹാർദ്ദപരമായ സമീപനത്തോടെയും പ്രവർത്തനങ്ങൾ നടപ്പിലാക്കുന്നു. അഴിമതിരഹിതവും സുതാര്യവുമായ ഭരണസംവിധാനത്തിലൂടെ ജനങ്ങളുടെ വിശ്വാസം ആർജിക്കുകയും പഞ്ചായത്തിന്റെ സമഗ്ര പുരോഗതി കൈവരിക്കുകയും ചെയ്യുക എന്നതാണ് പഞ്ചായത്തിന്റെ നയം.
മാലിന്യമുക്ത ഗ്രാമം, ആരോഗ്യസുരക്ഷ, പരിസ്ഥിതി സംരക്ഷണം, ഡിജിറ്റൽ സേവനങ്ങൾ, സ്ത്രീശാക്തീകരണം, യുവജന പങ്കാളിത്തം, കാർഷിക വികസനം എന്നിവയ്ക്ക് മുൻഗണന നൽകി പുത്തൻവേലിക്കരയെ കൂടുതൽ വികസിതവും മാതൃകാപരവുമായ പഞ്ചായത്താക്കി മാറ്റാനുള്ള ശ്രമങ്ങളാണ് ഇന്ന് നടന്നു വരുന്നത്.
